سُنیں اے یہواہ توں میری ہُن دُعا نوں
کَن اپنا میریاں گلاں اُتے لا توں
Sunie Aye Yehowa Tu Mere Hun Dwa Nu
Kan Apna Merian Gallaan Uttey La Tu

اُتر دئیں مینوں توئیں وفا تے سچیائی نال
تیرے کولوں منگدا ہاں دِل دی صفائی نال
Utar Devin Meno Toein Wafa Te Sachyai Nal
Tery Kolon Mangda Han Dil De Safai Nal

اپنے بندے نوں توں عدالت تھیں بچا لے
تیرے اگے سچّا ٹھہرے اوہدی کیہہ مجال ہے
Apny Bandy Nu Tu Adalat Theen Bacha Le
Tery Agay Sacha Thehray Ohdi Kih Majal Eh

دشمن میرے پِچھے پیا لین میری جان دے
میری زندگانی نوں ہُن مِّٹی وّچ رلان دے
Dushman Mere Piche Pya Lain Meri Jaan De
Meri Zindgani Nu Hun Mitti Wich Ralan De

اوہنے مینوں اوہناں وانگر کیتا جیہڑے مَر گئے
مدت تھیں ہنیرے دے وچ جیہڑے واسا کر گئے
Ohne Menu Ohna Wangr Keta Jehre Mar Ge
Mudat Thin Hanere De Wich Jehre Wasa Kar Ge

ایس لئی جی میرا میرے وچ ہی حیران ہے
نالے میرا دِل وی ہُن اُجڑ کے ویران ہے
Es Lai Ji Mera Merey Wich Hee Hairan Hai
Nale Mera Dil We Hun Ujhar Keh Weeran Hai

یاد پِچھلے دناں نوں میں سدا کردا رہناں ہاں
سوچ تیریاں کمّاں دے وچ دل نوں دھردا رہناں ہاں
Yad Pichly Dinan Nu Main Sada Karda Rahna Han
Souch Tereyan Kama Dewich Dil Nu Dharda Rehna Haan

وہناں تیرے ہتھاں دے کّم اپنا جی لا کے
تیرے وَل میں آوناں اپنے دونویں ہتھ ودھا کے
Wehna Tere Hathan De Kam Apna Jee Laa Ke
Tere Wal Main Aouna Apney Dowain Hath Wadha Key

میری رُوح تہائی ہے ہُن وانگر خُشک زمین دے
ہے تہائی باہجوں اپنے رّب العٰالمین دے
Meri Rooh Tehayi Hai Hun Vangar Khusk Zameen Dey
Hai Tehai Bahjhoun Apn Rabb-Ul-Al-Ameen De