سُن اے بیٹی توں اے سوچ لے اپنا کن تُوں ایدھر کر
اپنی قوم تے اپنے پیو دا دِل تھوں تو بھُلا دے گھر
Sun Aye Beti Tu Aye Soch Le Apna Kan Tu Ehdar Ker
Apni Qoum Te Apnay Pio Da Dil Thon Tu Bhula De Ghar

تاں جو بادشاہ عاشق ہووے تیری خُوش جمالی دا
اوہدے اگے سجدہ کر توں اوہو تیرا ہے خُدا
Taan Jo Badshah Ashiq Howey Tere Khush Jamali Da
Ohdy Agay Sijda Ker Tuon Oho Tera Hi Khuda

طَیر دِی بیٹی تیرے اگے نذراں تُحفے لے آوے گی
قوم دے دولت والے ہوون تیرے سب خُوشامدی
Ter Di Beti Tere Agay Nazran Tohfe Le Aweygi
Qoum De Dolat Walay Howan Tere Sab Khushamadi

گھر دے اندر ہے شہزادی کلُ جلال نال جلوہ گر
اوہدا سب لباس سُنیہرا بُوٹے دار ہے سراسر
Ghar De Andar Hi Shahzadi Kul Jalal Nal Jalwah Gar
Ohda Sab Libas Sunehra Bootay Dar Hi Sarasar

شاہ دے کول لیائی جاندی رنگا رنگ پوشاکاں پہن
سب کنواری سہیلیاں اوہدیاں پچھے پچھے آوندیاں ہین
Shah De Kol Liyae Jandi Ranga Rang Poshakan Pehan
Sab Kawari Saheliyan Ohdian Pichay Pichay Ondian Hin

اوہ پچائی جاندیاں ہین سب دِل وِچ خُوشی ہے کمال
شاہ دے محلاں اندر داخل ہُندیاں  اوہ سب خُوشیاں نال
Oh Pachai Jandian Hain Sab Dil Wich Khushi Hi Kamal
Shah De Mehalan Andar Dakhil Hondian Oh Sab Khushian Nal

تیرے سارے پُتر ہوون تیرے پیو دادیاں دی جا
اوہناں نُوں اس دھرتی اتے تُوں سردار ٹھہراویں گا
Teray Saray Putar Howan Tere Pio Dadyan Di Ja
Ohna Nu Is Dharti Utay Tu Sardar Thehrawain Ga

سب قوماں دے اندر تیرا نام کرواں گا میں یاد
تیری مہماں سدا تیکر گاون گے سب آدم زاد
Sab Qouman De Ander Tera Nam Kerawan Ga Yaad
Tere Mehman Sada Teekar Gawan Ge Sab Aadam Zad