اوہ دھن جِس دے بخشے گئے سب گُناہ
تے ڈھکے گئے سارے اوگن سدا
Oh Dhan Jis Day Bakhsay Gayay Sab Gunah
Tay Dhakay Gayay Sare Ougan Sada

نہ رّب جِس دے پاپاں دا کردا حِساب
اوہ دھن ہے تے دِل اُسدا نہیں خَراب
Naa Rabb Jis Day Papaan Da Karda Hisaab
Oh Dhan Hai Tay Dil Ous Da Nahee Kharab

میں جد چُپ رہیا تَد میری ہڈیاں
کراہندے ہوئے سارا دن گَل گئیاں
Mein Jad Chup Reyha Tad Meri Hadhiyaan
Karahanday Huway Sara Din Gal Geyaan

دِنے وی تے راتیں وی میرے خُدا
تیرا ہتھ میرے اُتے بھارا رہیا
Dinay Wee Tay Ratein We Meray Khuda
Tera Hath Meray Uttay Bhara Rehya

تے چَربی میری ساری پِگھر گئی
تے گرمی وی خُشکی نال بدل گئی
Tay Charbi Meri Sari Pighar Gayee
Tay Garmi Wee Khuski Naal Badal Gayee

تیرے کول کیتا گُناہ دا اقرار
ہاں مَن لیا میں تے ہاں ڈاہڈا بدکار
Teray Koul Kita Gunah Daa Iqrar
Haan Manlaya Mein Te Haan Dadha Badkaar

میں کہیا یہواہ دے اگے ضرور
میں منّاں گا اپنے گُناہ تے قصور
Mein Keha Yehowa Day Agay Zaroor
Mein Mannaa Gaa Apnay Gunah Te Kasoor

سو میری بد ذاتی دا بھارا گُناہ
توں بَخش دِتا مینوں اَے میر ے خُدا
So Meree Badzaati Da Bhara Gunah
Tu Baksh Dita Meinu Aye Meray Khuda

ایس واسطے یا ربّا جو لوک ہیں دیندار
توں جد تیکر لبھیں ا وہ کرن گے پُکار
Aes Waastay Ya Rabba Jo Louk Hain Deendaar
Tu Jad Tekar Labhein Oh Karan Gay Pukaar

تے بھاویں دریاواں وِچ اُٹھے طوفان
نہ اوہناں دا ہووئے گا کجھ وی نُقصان
Tay Bhawein Dariyawaan Which Uthay Toofan
Naa Ohna Da Howay Ga Kujh Wi Nuqsaan

ہیں تھاں میرے لُکن دا توئیں خُدا
بچاندا ہے دکھاں تھوں توئیں سدا
Hain Thaan Meray Lukaan Da Tuein Khuda
Bachanada Hain Dukhan Tho Tuien Sada

خُوشی بخشدا مینوں کردا نہال
توں گھیردا چُھٹکارے دے گِیتاں دے نال
Khushi Bakhshda Meinu Karda Neyhaal
Tu Gherda Chutkare Day Geeta Day Naal